Համաշխարհային ՏՏ մրցանակ
Menu

Nikol Pashinyan

Մեզ համար նոր տեխնոլոգիաները պատմական հնարավորություն են Հայաստանում իրականացնելու այն, ինչը մենք ցանկանում ենք իրականացնել, այն է` տնտեսական հեղափոխություն։ Դրանք նաև հնարավորություն են բոլոր նրանց համար, ովքեր ուզում են քայլել հանուն մարդկության առաջընթացի։ Այս մրցանակով մենք նաև ցանկանում ենք օրինակ ցույց տալ մեր երիտասարդներին, թե աշխարհը փոխելու, ավելի լավը դարձնելու ինչպիսի իշխանություն է թաքնված յուրաքանչյուր անհատի ներսում եւ որ այդ իշխանությունը բացահայտելու միակ վստահելի ճանապարհը կրթությունն է:

Նիկոլ Փաշինյան Հայաստանի Հանրապետության Վարչապետ


Դափնեկիրներ


Hayk Chobanyan

Տեղեկատվական տեխնոլոգիաների ոլորտում համաշխարհային ներդրում ունեցած անձանց ՀՀ պետական մրցանակի շնորհումը համաշխարհային տեխնոլոգիական քարտեզին Հայաստանի դիրքավորմանն ուղղված կարևորագույն ծրագրերից է։ Հիրավի, ոլորտի լավագույն ներկայացուցիչներն են ձևավորում մրցանակակիրների ցանկը, որոնք ոգեշնչվելու և հաջողելու լավագույն օրինակ են։
Ներկա աշխարհաքաղաքական զարգացումների և համաշխարհային մարտահրավերների հաղթահարման հիմքում էական է տեխնոլոգիաների դերակատարությունը։ Մենք հաջողելու այլընտրանք չունենք, քան բարձր տեխնոլոգիական զարգացումը՝ հիմնված որակյալ կրթության, գիտահետազոտության և իհարկե արդյունաբերության վրա։ Հայաստանն ունի մեծ ներուժ՝ հզոր սերունդ, հաղթական հեռանկար ստեղծելու համար։
Ընդունելով տեխնոլոգիական ոլորտի հսկաներին, ովքեր իրենց գործունեությամբ անհնարինը դարձրել են հնարավոր, հայտարարում ենք և պարտավորվում այդ գործում մեր դերակատարման հավակնության մասին։
Այս իմաստով առաջատարներին ճանաչելն ու նրանց գործերը վերագնահատելը անփոխարինելի փորձառություն են։

Հայկ Չոբանյան Մրցանակաբաշխության կոմիտեի նախագահ, ՀՀ բարձր տեխնոլոգիական արդյունաբերության նախարար


Հովիկ Մուսայելյան

Մենք այլընտրանք չունենք, քան ապավինել գիտատար ճյուղերի զարգացմանը: Վստահ ենք, որ տարիներ անց այս պատվավոր մրցանակին արժանացած հսկաները կժամանեն Հայաստան՝ իրենց հետ բերելով բարձրագույն տեխնոլոգիական ժամանակակից մշակույթ, եւ ամբողջ աշխարհում կբարձրացնեն մեր պետության իմիջն ու ճանաչողությունը, որպես գիտելիքին եւ ինտելեկտին ապավինող երկիր: Անհերքելի է, որ Հայաստանի մրցակցային առավելությունները սերտորեն կապված են ՏՏ ոլորտի հետ եվ մեր երկիրն ունի բոլոր անհրաժեշտ նախադրյալներն ու ռեսուրսները դառնալու տարածաշրջանային կենտրոն եվ կարեվոր դերակատար:

Հովիկ Մուսայելյան Մրցանակաբաշխության կոմիտեի աշխատանքները համակարգող, Սինոփսիս Արմենիա ՓԲԸ տնօրեն, Երևան, Հայաստան


Ռալֆ Յիրիկյան

«Համաշխարհային ՏՏ մրցանակը, որպես Հայաստանում իրականացվող շարունակական նախաձեռնություն, ավելին է, քան աշխարհի ՏՀՏ քարտեզի վրա Հայաստանի դիրքերն ամրապնդելն ու երկիրի հեղինակությունը բարձրացնելը: Չափազանց կարևոր է, որ մրցանակի շրջանակներում Հայաստան են ժամանում և ՏՀՏ համայնքի ու նաև երիտասարդների համար դասախոսում այս ոլորտում իրապես նորը ստեղծած մարդիկ, ում դարակազմիկ հայտնագործությունները թելադրել են աշխարհի զարգացման հետագա ուղղությունը: Մրցանակի դափնեկիրները, ինչպես բոլոր ժամանակների հանճարները, չեն նմանակել նախորդներին, չեն անցել ուրիշի տրորած ճանապարհով, չեն ձգտել տեղավորվել մինչ այդ գործող խաղի կանոններում: Հայաստանն ունի մտավոր այն անհրաժեշտ ներուժը, որը թույլ կտա ոչ միայն զարգացնել ՏՀՏ ոլորտը իբրև երկրի մրցակցային առավելություն, այլև երկարաժամկետ կտրվածքով ստեղծել նոր որակ ՏՀՏ ոլորտում ու արժանապատվորեն կանգնել ՏՀՏ հսկաների հետ կողք-կողքի:

Ռալֆ Յիրիկյան ՎիվաՍել-ՄՏՍ-ի Գլխավոր տնօրեն, Երևան, Հայաստան


Նորություններ