Համաշխարհային ՏՏ մրցանակ
Menu

ՀՀ Նախագահի Համաշխարհային ՏՏ մրցանակին արժանացած Եվգենի Կասպերսկին Հայաստան կժամանի նոյեմբերի 16-ին

Եվգենի Կասպերսկի

ՀՀ Նախագահի Համաշխարհային ՏՏ մրցանակին արժանացած Եվգենի Կասպերսկին Հայաստան կժամանի նոյեմբերի 16-ին

By In Uncategorized @hy On November 5, 2016


ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: ՀՀ Նախագահի Համաշխարհային ՏՏ մրցանակի 6-րդ դափնեկիր Եվգենի Կասպերսկին իր մրցանակի հետևից Հայաստան կգա նոյեմբերի 16-18-ին կնոջ ու գործընկերների 5 հոգանոց խմբի հետ: Նրա այցից ակնկալում են, որ նա ավելի հանգամանորեն կծանոթանա Հայաստանի տեղեկատվական տեխնոլոգիաների հնարավորություններին, ու Հայաստանում «Կասպերսկու լաբորատորիա»-ի գործունեությունը կընդլայնվի:

«Արմենպրես»-ի հաղորդմամբ` այս մասին ՀՀ նախագահական նստավայրում կայացած մամուլի ասուլիսի ժամանակ հայտնեց Մրցանակաբաշխության գործադիր խորհրդի նախագահ,«Սինոփսիս Արմենիա» ընկերության գործադիր տնօրեն Հովիկ Մուսայելյանը: «Կոմիտեի ու ընտրող հանձնաժողովի համար շատ դժվար էր արժանի հավակնորդներից ընտրել լավագույնին»,-ասաց Հովիկ Մուսայելյանը: Նրա խոսքով` նշյալ  մրցանակաբաշխության կարևոր կետերից մեկն այն է, որ մրցանակակիրը պետք է ժամանի Հայաստան, հանդիպումներ ունենա ՀՀ բարձրագույն պաշտոնատար անձնաց հետ, իսկ արդեն ուսոնողների հետ համար անցկացնի վարպետության դասեր:

«Կասպերսկու` Հայաստանում գտնվելու եռօրյա այցի շրջանականերում նախատեսվում է ՏՀՏ համայնքի ներկայացուցիչների ու ուսանողների հետ հանդիխում Թումո կենտրոնում, ինչպես նաև ավանդական այց Ճարտարագիտական համալսարան, ուր մրցանակակիրներն արժանանում են համալսարանի պատվավոր դոկտորի կոչմանը, բայց քանի որ նա արդեն արժանացել է այդ պատվին, այս անգամ կարժանանա Ճարտարագիտական համալսարանի ոսկե մեդալին»,-տեղեկացրեց Հովիկ Մուսայելյանը: Նա տեղեկացրեց, որ «Հայ փոստ» ընկերությունը մրցանակի հանձման օրը Նախագահի նստավայրում կկատարի վեց հաղթողների նկարներով ծրարի և վերջին երեք հաղթողների պատկերներով փոստային բացիկի մարման արարողություն:

Հովիկ Մուսայելյանը լրագրողների համար ընթերցեց Կասպերսկու արձագանքը մրցանակին արժանանալու առնչությամբ. «Ես բարձր եմ գնահատում այս մրցանակը, ինձ համար մեծ պատիվ է գտնվել աշխարհահռչակ տեխնոլոգիական հսկաների շարքում, ովքեր եղել են նախորդ տարիների դափնեկիրները: Մենք երկար ժամանակ է, ինչ աշխատում ենք Հայաստանում և հատուկ ուշադրություն ենք դարձնում այստեղ ուսանողների և ՏՏ մասնագետների կրթական նախագծերին: Ուրախ եմ նշել, որ Հայաստանում ՏՏ ոլորտը լուրջ աջակցություն է վայլելում պետական մակարդակով, քանի որ ՏՏ ոլորտն այսօր դառնում է նշանակալի թե տնտեսական, թե սոցիալական զարգացման առումով»:

Միջազգային մրցանակաբաշխության կոմիտեի նախագահ, ՀՀ Նախագահի աշխատակազմի ղեկավար Վիգեն Սարգսյանի խոսքով` այս մրցանակը, ի թիվս այլ նախաձեռնությունների ու միջոցառումների, կոչված է ընդգծելու Հայաստանի համար ՏՏ ոլորտի կարևորությունը և այն ակնկալիքները, որ Հայաստանն ունի ոլորտի զարգացման համատեքստում:

«Մենք ուրախությամբ ենք արձանագրում, որ մեր կողմից իրականացվող բազմաթիվ քայլերը տալիս են իրենց արդյունքը, մենք տեսնում ենք կայուն աճ այս ոլորտում, մասնագիտական մեծ հետաքրքրություն երիտասարդության շրջանում: Նշյալ ոլորտում կրթություն ստացածները արագ գտնում եմ իրենց մասնագիտությանը համապատասխան աշխատանք ու գրանցում մասնագիտական աճ` ներազդելով ՀՀ-ի առաջընթացի ու զարգացման վրա»,-շեշտեց Վիգեն Սարգսյանը: Նա նկատեց, որ մրցանակաբաշխությունը ծառայում է իր նպատակին ու սկզբնական ակնկալիքները գերակատարվել են, ինչի վկայությունն այդ մրցանակին արժանացածների շարունակական կապն է Հայաստանի հետ:

Մրցանակաբաշխության հովանավոր ընկերության` «Վիվասել ՄՏՍ»-ի գխավոր տնօրենՌալֆ Յիրիկյանն էլ նշեց, որ աջակցում են նշյալ մրցանակաբաշխությանը, քանի որ ցանկանում են Հայաստանի անունը ճանաչելի դարձնել հատկապես տեխնոլոգիական քարտեզի վրա: «Այս ծրագրի կարևորագույն նպատակներից է  մեր երկիր հրավիրել հանրահայտ անձնաց, ովքեր համաշխարհային ձեռբերումներ են ունեցել, ովքեր բացի մրցանակ ստանալուց իրենց փորձն են կիսում այս ոլորտի հայաստանյան մասնագետների հետ»,-ընդգծեց Յիրիկյանը:

ՀՀ նախագահի Համաշխարհային ՏՏ մրցանակին են արժանացել «Ինտել» կորպորացիայի նախկին գլխավոր գործադիր տնօրեն Քրեյգ Բարրետը, «Apple Computer» կոպորացիայի համահիմնադիր Ստիվ Վոզնյակը, «Synaptics» ընկերության պատվավոր նախագահ Ֆեդերիկո Ֆաջին, «Հիտաչի» ընկերության նախկին գործադիր տնօրեն Ցուգիո Մակիմոտոն և «Սիսկո Սիսթեմս» ընկերության Զարգացման գծով նախագահ Մարիո Մացցոլան:

2009 թվականի հուլիսի 6-ին ՀՀ Նախագահը ստորագրեց տեղեկատվական տեխնոլոգիաների ոլորտում համաշխարհային ներդրման համար ՀՀ Նախագահի մրցանակի հիմնադրման վերաբերյալ հրամանագիրը: Մրցանակը յուրաքանչյուր տարի շնորհվում է համաշխարհային ՏՏ ոլորտում բացառիկ ներդրումներ կատարած հեղինակավոր անհատի, ում ներդրումները ՏՏ ոլորտում բերել են կամ բերում են հեղափոխական կամ համանման բնույթ ունեցող զարգացումների, որոնք դրականորեն են անդրադարձել կամ ունեն ներուժ դրականորեն անդրադառնալու պատմության ընթացքի վրա: 

Մրցանակը բաղկացած է Հայաստանը և բարձր տեխնոլոգիաները խորհրդանշող ոսկե մեդալից, դիպլոմից և հուշախորհրդանիշից:

http://armenpress.am/arm/news/824414/armenia-presidentE28099s-global-it-award-recipient-yevgeny-kaspersky-to-arrive-in-armenia-on-november.html


About the Author

admin

Related Posts

Leave a comment