Համաշխարհային ՏՏ մրցանակ
Menu

Հանրապետության նախագահը հյուրընկալել է ՏՏ ոլորտում համաշխարհային ներդրման համար Հայաստանի Հանրապետության 2018թ. պետական մրցանակակիր Ջեյմս Թրուշարդին

Դր․Ջեյմս Թրուշարդ

Հանրապետության նախագահը հյուրընկալել է ՏՏ ոլորտում համաշխարհային ներդրման համար Հայաստանի Հանրապետության 2018թ. պետական մրցանակակիր Ջեյմս Թրուշարդին

By In Նորություններ On December 5, 2018


Հանրապետության նախագահ Արմեն Սարգսյանն այսօր հյուրընկալել է Տեղեկատվական տեխնոլոգիաների (ՏՏ) ոլորտում համաշխարհային ներդրման համար Հայաստանի Հանրապետության 2018 թվականի պետական մրցանակի արժանացած «Նեշընլ Ինսթրումենթս» ընկերության համահիմնադիր և նախագահ Ջեյմս Թրուշարդին:

Նախագահ Սարգսյանը շնորհավորելով Ջեյմս Թրուշարդին՝ ասել է, որ Հայաստանը մեծ տեղ է հատկացնում տեղեկատվական տեխնոլոգիաների զարգացմանը և կարող է լինել արդյունավետ գործընկեր:

«Հայաստանը հանդիսանում է աշխարհի առաջատար երկրներից մեկը, որտեղ մենք կարող ենք զարգացնել նոր գաղափարներ, նոր տեխնոլոգիաներ և լինել 21-րդ դարի գլոբալ զարգացման մասը»,-նշել է հանրապետության նախագահը: Նա ասել է, որ այսօր նույնիսկ մեծ ընկերությունները գնում են դեպի նոր ստրատափեր, որտեղ ազատություն է տրվում երիտասարդների նորարարական ներուժին, թարմ ու համարձակ գաղափարներին՝ օգտագործելով զարգացման նոր մոդել և նրանց տալով հորիզոնական գործելու, նորարարություններ կատարելու հնարավորություն:

Ջեյմս Թրուշարդը շնորհակալություն է հայտնել մրցանակի և Հայաստանի կողմից նման գնահատանքի արժանանալու համար: Նա նշել է, որ Հայաստանն ունի մեծ ներուժ բարձրտեխնոլոգիաների բնագավառում, որտեղ կարող են լինել արտահանման իրական հնարավորություններ:

***
2009 թվականին ՀՀ նախագահի հրամանագրով հիմնվեց տեղեկատվական տեխնոլոգիաների ոլորտում համաշխարհային ներդրումների համար ամենամյա միջազգային մրցանակ, որը 2018 թվականից վերանվանվել է ՏՏ ոլորտում համաշխարհային ներդրումների համար Հայաստանի Հանրապետության պետական մրցանակ:

Ջեյմս Թրուշարդը այս մրցանակի իններորդ դափնեկիրն է:

Աղբյուր` president.am/hy/press-release/item/2018/12/01/President-Armen-Sarkisian-received-the-GIT-2018-winner-Dr-James-Truchard/


About the Author

admin

Leave a comment